Қазіргі жаһандану және цифрландыру жағдайында қаржы жүйесінің күрделенуі мен тәуекелдердің артуы әр азаматтан жоғары қаржылық сауаттылықты талап етеді. Бұл әсіресе студенттер үшін маңызды, себебі олар болашақта қаржыны басқару, инвестиция жасау және несиелік құралдарды пайдалану шешімдерін қабылдайды. Қаржылық сауаттылықты оқыту тек теориямен шектелмеуі тиіс. Тиімді нәтиже тәжірибемен ұштасқанда ғана көрінеді. Тәжірибелік сабақтар студенттердің білімін бекітіп, қаржылық жағдайларды талдау, шешім қабылдау және қаржылық мәдениетті қалыптастыру дағдыларын дамытады. Бюджет жоспарлау, несиені есептеу, инвестицияларды бағалау сияқты тапсырмалар студенттердің сыни ойлауын, аналитикалық қабілетін және жауапкершілігін арттырады. Бұл олардың қаржылық тәуекелдерді дұрыс бағалап, болашақта қаржылық тұрақтылыққа қол жеткізуіне негіз болады. Сондықтан қаржылық сауаттылықты тәжірибеге бағыттап оқыту – студенттердің білімін ғана емес, өмірлік маңызды дағдыларын қалыптастыратын қазіргі білім беру жүйесінің басты талаптарының бірі. Мақсаты: Студенттердің қаржылық сауаттылық деңгейін арттыру, олардың жеке қаржысын тиімді басқару, қаржылық шешімдерді саналы қабылдау және қаржылық тәуекелдерді бағалау дағдыларын тәжірибелік сабақтар арқылы қалыптастыру. Міндеттері: Студенттерге қаржы саласындағы негізгі ұғымдар мен құралдарды тәжірибе арқылы меңгерту; - Жеке және отбасылық бюджетті жоспарлау және талдау дағдыларын қалыптастыру; - Несиелер мен депозиттердің шарттарын салыстыру, тиімді шешім қабылдауға үйрету; - Қаржылық есептеулер жүргізу (пайыз, инфляция, табыстылық) қабілетін дамыту; - Инвестициялық құралдарды бағалау және қаржылық тәуекелдерді анықтау дағдыларын жетілдіру; - Қаржылық тәртіп пен жауапкершілікті қалыптастыру; - Студенттердің сыни және аналитикалық ойлау қабілеттерін дамыту; - Нақты өмірлік жағдайларға негізделген кейстер арқылы қаржылық шешім қабылдау тәжірибесін қалыптастыру; - Цифрлық қаржылық құралдарды (мобильді банкинг, онлайн төлемдер) тиімді пайдалануды үйрету; - Қаржылық қауіпсіздік және алаяқтықтан қорғану бойынша білім беру. Бұл мақсаттар мен міндеттер тәжірибелік сабақтардың мазмұнын айқындап, студенттердің қаржылық тұрғыдан сауатты әрі жауапты тұлға ретінде қалыптасуына бағытталады.
Қаржылық сауаттылық пәнін тәжірибелік бағытта толық меңгерген студенттер төмендегідей білім, білік және дағдыларға ие болады: Білуі тиіс: - Қаржының негізгі ұғымдары мен категорияларын (табыс, шығыс, бюджет, жинақ, инвестиция, несие); - Қаржылық жүйенің құрылымы мен қызмет ету қағидаларын; - Банктік өнімдердің (депозит, несие, карта, онлайн қызметтер) ерекшеліктерін; - Инфляция, пайыздық мөлшерлеме, табыстылық сияқты экономикалық көрсеткіштердің мәнін; - Қаржылық тәуекелдердің түрлері мен оларды басқару жолдарын; - Қаржылық қауіпсіздік негіздерін және алаяқтықтан қорғану тәсілдерін. Істей алуы тиіс: - Жеке және отбасылық бюджетті құрастыру және талдау; - Қаржылық есептеулер жүргізу (пайызды есептеу, несиенің толық құнын анықтау, табыстылықты бағалау); - Әртүрлі қаржылық ұсыныстарды салыстырып, тиімді шешім қабылдау; - Қарапайым инвестициялық шешімдер қабылдау және тәуекелді бағалау; - Банктік және цифрлық қаржылық қызметтерді тиімді пайдалану; - Қаржылық мақсаттарды жоспарлау және оған жету жолдарын анықтау. Дағдылары қалыптасады: - Қаржылық ойлау және жауапкершілік; - Сыни және аналитикалық ойлау қабілеті; - Ақпаратты талдау және дұрыс шешім қабылдау; - Қаржылық тәртіп пен үнемшілдік мәдениеті; - Нарықтағы өзгерістерге бейімделу және қаржылық тұрақтылықты сақтау. Нәтижесінде студенттер өз қаржысын сауатты басқара алатын, экономикалық тұрғыдан белсенді және қаржылық қауіпсіздігін қамтамасыз ете алатын тұлға ретінде қалыптасады.
Еңбек жолын 2004–2007 жылдары университеттің «Университет тынысы» редакциясында оператор болып бастады. 2007–2014 жылдары көпсалалы колледжде оқытушы болды (2011–2014 жж. бала күтімі демалысында). 2014 жылдан бастап университеттің «Қаржы» кафедрасында оқытушы қызметін атқарады.
М.Х.Дулати атындағы Тараз университетінің «Қаржы және есеп» кафедрасының меңгерушісі э.ғ.к., доцент
Еңбек жолын 1995 жылы Қазақ мемлекеттік басқару академиясы Жамбыл филиалында оқытушы ретінде бастаған. 2008–2011 жылдары Қ.А.Ясауи атындағы Қазақ-Түрік университеті Тараз филиалында, Тараз инновациялық-гуманитарлық университетінде және Тараз педагогикалық институтында қаржы және экономика бағытындағы кафедраларды басқарған. 2012–2022 жылдары М.Х.Дулати атындағы ТарМУ-дың «Қаржы» кафедрасында доцент қызметін атқарды. 2023 жылдан бері осы университеттің «Қаржы және есеп» кафедрасының меңгерушісі.
Ғылыми қызметін 1995 жылдан бастап, 2006 жылы «Қаржы, ақша айналымы және несие» мамандығы бойынша кандидаттық диссертация қорғаған. 2011 жылы «Экономика» мамандығы бойынша доцент ғылыми атағын алған.
Жетістіктері: «ЖОО-ның үздік оқытушысы – 2011» грант иегері, Ұлыбритания университеттерінде тағылымдамадан өткен. 2015 жылы мемлекеттік ғылыми стипендия иегері, 2022 жылы ҚР Ғылым және жоғары білім министрлігінің төсбелгісімен марапатталған. Облыстық және университеттік деңгейде көптеген марапаттарға ие.
200-ге жуық ғылыми еңбектің авторы (оның ішінде Scopus базасындағы мақалалар), бірнеше оқу құралдары мен монографиялары бар. Қазіргі таңда ғылыми-зерттеу жобаларына жетекшілік етеді.
Қоғамдық қызметте белсенді: Ұлттық тестілеу орталығының сарапшысы, «Қаржылық сауаттылық» жобасының жаттықтырушысы, ғылыми жобалар байқауларында төраға.
Жалпы еңбек өтілі – 37 жыл, педагогикалық өтілі – 31 жыл.